Nimin, Nilaini khan Lawngtlai Police te chuan Awareness Campaign on Drugs Abuse , Cyber Crime Awareness and Career Counselling chungchang Govt Lawngtlai Collge ah an buatsaih.
He hun hi Lawngtlai SP, Pu Rakesh Paweriya chuan hmanpuiin, Lawngtlai leh a chhehvel ah Zu leh ruihhlo tam lutuk chu pawi a tih thu a sawi a, ruihhlo do kawngah Police ten theihtawp chhuahin, thla thlah lova an beihzel tur thu a sawi a, zirlai naupang te chu zu leh ruihlo laka fihlim a ,nunkawng dik zawh a hlawhtlinna chhar chhuak tura tan la turin a chah a, Social Media hman kawngah fimkhur tur a chahin, Social Media hmangtute chu an fimkhurloh chuan awlsam taka dan bawhchhiatna a luh maitheih a ni a ti.
Pu. C. Lalruatkima Addl SP Lawngtlai chuan zirlai naupang te tan power point presentation hmangin zu leh ruihhlo that loh zia a zirtir a, hetiang Campaign hi Lawngtlai a zirna in hrang hrang ah kalpui turin Lawngtlai Police chuan ruahmanna an siam.
