Motor Vehicle Act hmanmek ah dan bawhchhiate hremna chu a hma a mi nen khaikhinin a sang viau a, Lirthei neitu leh khalhtute chu dan zawmturin Lawngtlai Police chuan an ngen
Nimin khan Additional S.P, Lawngtlai, Pu C.Lalruatkima chuan Lawngtlai Chanchinbumite kawmin Sorkar laipuiin Motor Vehicle 2019 a siamthat ah, dan bawhchhiate hremna chu a vaiin khauhtaka kalpui mai a harsatna lai awm mahse, Lawngtlai Police te chuan a theih chin chin ah dan anga kal an tum tih sawiin, Lirthei neitu leh khalhtute chu dan bawhchhelo tura fimkhur tura a duh thu sawiin, dan chu midik tan hlauhtur a awmlova, midiklote hremna tur a ni a, Sorkar sumtuakna tur nilovin, mipui himna tur zawk a nih thu a sawi.
Chanchinbumite chuan Pathianni ah Two wheeler khalhten dan an zawmlo nasa chu ngaimawhawm an tih thu sawiin Additional S.P chuan, khauh zawka duty indah an tum thu a sawi a, zanlama Bike bengchheng pawh tihziaawm a nihtheih nan hma an lak tur thu a sawi bawk.
He hun ah hian Chanchinbumiten , MV Act hmanmek chu hrefuhlo tamtak a awmtheih a, lirthei neitu leh khalhtuten chiang zawka an hriattheih nan a tamthei angber semdarh an rawtna chu Lawngtlai Police te chuan a ranglama lo bawhzui an tum thu an sawi.