Editorial || ENGVANGINNGE DRUGS A HLUAR.

Central YLA, Drugs Reduction Squad chuan Heroin hluar chhomek chu theihtawp chhuahin do hna an thawk mek a, tunhnai a damdawi ruihhlo a hluarna chhan hi chhuichiana, chhutchah dan zawn a tul a, chu chu DRS pawhin a tum ber zing a mi niin a hriat.

Kan unau, Raltlante hi an demawm veklo, mitha tamtak an awm, an zinga thenkhat, unau anga minen velotute hian an hmai a tibal thina, a zialo khawp a, Raltlan an awm hmain heti em em hian Lawngtlai ah Damdawi ruihhlo a hmanchi hi a hluar ngailo tih a chianga, engvanga tuna lo hluar ta viau nge tih chu chhanna dang a vang viauin a rinawm.

Raltlan kan tihte hi Ral hlauh vanga rawn tlan nge an nih a, sumdawnna leh thildang eng eng emaw khawih duh vanga rawnlut, tih hi hriatfuhhar deuh lai awm mahse, chhuichhuah theihloh khawp erawh a nih a rinawmloh a, kan sawi thina, Sorkar hmalakna hmuhtur erawh a awm thei mang silo,     duh duhin ramri an kan a, ram pahnihah khua leh     tui nihna neikawp            ang chiahin Mizoram     leh Myanmar  ah an zalen a, hengmite hi khuahkhirhdan   ngaihtuah a hmalak a ngai tih hi Sorkar hian a hreduhlo a nih ngawtloh chuan, hriatlohna chhantur hi a awmin a lang lova, ruihhlo rawnluhna ber chhutchah a nih chuan, a do           hna thawh pawh hian awmzia a neithui theiin a rinawm.