Vawiin khan Pradhan Mantri Matru Vandana Yojana (PMMVY) hnuaia Lawngtlai District a ICDS in hmalakna a kalpui mek chungchang thlirin PMMVY Steering and Monitoring Committee, Lawngtlai District chu an Chairman Lawngtlai DC Pu Amol Srivastava hovin an thukhawm.
He thutkhawm ah hian Pi F.Lalengvari District Programme Co Ordinator PMMVY chuan a bikin Lawngtlai West huamchhung ah Nu, fatir pai ten PMMVY atanga hamthatna, Bank kaltlanga an dawntur ah Bank Account neilo leh an Bank Account leh Adhaar thlunzawmlo an tam thu sawiin, PMMVY atanga hamthatna an dawntur dawng theilo ten an chanvo an dawn theih nan hmalak a tul thu a sawi a. PMMVY atangin fatir pai ten Rs5000 an dawn theih thu leh heihi thawh thum in an Bank Account ah thunsak thin an nih thu a sawi.
Lawngtlai DC, Pu Amol Srivastava chuan PMMVY chuan khua leh tui diktakten hamthatna an dawn theih nan a hmalak chu ngaihpawimawh tul a tih thu sawiin, Bank Account neilo leh Bank Account felfailo te chinfel a nihtheih nan a bikin thingtlang lam ah Special Camp buatsaih turin Bank lam aiawh, Meeting a telte a ngen a, Bank thuneitute chuan Account fello chu a theih ang anga Office lam atanga chinfel dan an lo zawntur thu an sawia, Office lam atanga tihtheih bak zawng chu Special Camp neiin lo bawhzui an tum thu an sawi.
PMMVY hnuaiah hian tun dinhmun ah Lawngtlai District ah Nu fatir pai tanpuina dawngtheitur a ngaih 2900 an awm mek a, Fatir pai la zawnchhuahloh leh Bank Account neilo leh Account fello engemawzat la awm tur a ngaih niin, a ranglamin hengmite zawngchhuak tura hmalak nise tiin Meeting chuan a rel.
Vawiin Meeting, DC hova neih ah hian Addl DC Pu James Miahlung leh PMMVY Programme Co Ordinator Pi F.Lalengvari bakah Lawngtlai a Bank hrang hrang hotute an tel.
Tags
News