Lawngtlai East bialtu MLA, Mizoram Sorkar a Agriculture Development Board Vice Chairman Pu H.Biakzaua chuan tukin khan Electric Veng, Lawngtlai a Community Health Clinic Centre a hawn bak ah District Hospital a TB Centre ah X-Ray khawl bunna tur hmun a en
MLA Local Area Development Fund cheng Nuai 4 senga sak, Electric Venga Community Health Clinic Centre Building thar leh Centre thar a hawnna ah Pu H.Biakzaua chuan Chief Minister leh Health Minister in hriselna ngaipawimawhin a bikin, India ram pum ang pawha Mizoram dinhmun pawthniamtu, Lawngtlai District ah Health Sector lam tihchangtlun a nihtheih nan hma an la nasa tih sawiin, Lawngtlai East bial ah Community Health Clinic Centre 11 hawn remtih a nih hnu ah Building awmsa hmun thum tihloh hmun riat ah MLA Fund hmangin Building sak a ni a ti a, Lawngtlai-III leh Lungtian-II ah Centre dah Sorkar chuan tunhnai khan a remtih leh thu a sawi a, Lawngtlai West, a bikin Chakma te chenna bial ah pawh hmalakna kalpui mek a ni a ti.
Pu H.Biakzaua chuan Centre hawn tawh ah te MLA Fund hmangin thawktu rawih a nih thu sawiin, tunhnai khan Sorkar chuan Centre a thawktute hlawh tumsak a remti tawh a ti bawk.
Lawngtlai East bialtu MLA hian TB centre Lawngtlai tan X-Ray dahna tur sak sak a tum a, tukin vek khan a hmunhma, Health Departmenmt hotutenen an enho nghal a, tuna District Hospital Lawngtlai a, TB centre building bul chiah ah sak nise an ti.
