Vawiin khan cheng Nuai 23.2 senga din Oxygen Plant, Lairam Christian Medical Centre & Hospital a mi chu Pu V.Zirsanga, LADC a CEM in a hawng.
Pu V.Zirsanga chuan Damdawiin dintirhlai thlirlet chuan, tun ang dinhmuna LCMC&H a dingchho thei chu Pathian hnathawh a ni tih a chiang a, Pathian hausakna leh thiltihtheihna chu a ringngam te chungah a langchhuak thin a ni a ti.
CEM chuan LCMC&H a thawktute chu an mahni pantu leh mipui lamin an chunga rinna an nghat tlat chuan, he Damdawiin in Pathian malsawmna a dawn nasatzia a lantir a ni a ti a, Oxygen Plant hawntheih a ni ta chu District mipui leh a mamawhtute tan thil hlu tak a ni a ti bawk.
Oxygen Plant hawnna inkhawm, Rev.B.Zazawna Lai, General Secretary, LIKBK Assembly kaihhruai ah hian, Medical Superintendent, Dr. B. Zonunsanga chuan Report pe in, Oxygen khawl chu Asia Pacific Baptist Federation atanga tanpuina atanga cheng Nuai 14 man an dawn a nih thu sawiin, Oxygen chu a khawl nei ringawt mahse, hmantheih turin tih ngai tamtak a awm a, hmantheih a an bunfel hnu ah, Oxygen khawl te nen a vaiin cheng Nuai 23.2 senral a nih thu a sawi.
CEM in Oxygen Plant a hawnna ah hian CEM hi LADC a I&PR enkawltu Executive Member Pu Lalropuia Chinzah bakah Official pawimawh ten an tawiawm a, Mizoram Baptist Church hotu bakah District Hospital hotute leh sawmbik te an tel.