Editorial || SEDP TANGKAI TAKIN AW.

Janpanese ho chuan an ti e, an tia, Sangha duh chu Len pe rawh an ti , Len a neih chuan Sangha a man mai ang, Sangha i pek chuan a eizo anga, a mamawh leh hun ah nangmah bawk a dil ang che, tih hi an thu fing pakhat niin an sawi.

State dang leh ramdang ah hian mipuia pawisa sem zawng hian Sorkar hi a che thin em le aw, SEDP a ni emaw NLUP a ni emaw, thawhrimna tellova pawisa dawn hi intodelhnana bultannan chuan mibik deuh tanlo chuan a harsa tih hi thil chiangtak a ni.

Mahse, kan Sorkar hian sem Policy hi a kalpui miau si a, Congress leh MNF lam a nilo a nia, kan sawi hi, an ni chuan tlin an duh a, mipui hnena rim nuamtaka an lantheihnan sem Policy hian an intuam a ngai a, mipui lamin a sem tam thei apiang an bawh dual dual hun a thlen chhoh meuh chuan kan State chu kan khawngaihthlak ngawt ang.

Mipui duhdanin Sorkar a kal a ngaia SEDP pawh bultan chhoh a ni ta a, a lawmawm ah ngai ila, Sorkar chuan a tihtur chu a ti chho mek a, a dawngtu lam hian awmze neiin bul an tan a pawimawh, Sorkar inthlak a pianga bul tanpui ngailo tura mipuiin awmzenei kalphung an neih a tul a, tuna SEDP sem tan chhoh mek pawh hi a dawngtuten tangkai takin, an dawnna an Trade thlan ah awmzenei a an hman a ngaia, chu chu Sorkar pawhin a tumber niin a lang.