.jpg)
Mizoram hi a nawlpuia Politics buaipui nasa zingah a langpha mai awm mange, thingtlang kilkhawr thlengin Politics virvel kan hrevek a, Political Party ah kan inhamtanga, Sorkar zarzo tumin a tithei deuhte an phibuaia, Ruling Unit hruaitu thenkhat chuan an hna kallai an thawk tha hman meuh awmlo mange tihtur te awm an awm hial maithei.
Politics in a tum chu ram mipui dawmkana, dinhmun sang zawka ram hlankai a ni a, chu chu mipui nawlpuiin an tihve ngawt theih a nilova, Politics kan buaipui chhan nita bera lang chu, eng eng emaw therhlo beisei vang a ni mai awm mange tihtheih a ni hial a, ram hmasawnna tak tak aia, mahni leh vua leh vang te hamthatna chu kan hmu Politics in, chutiang minthlenthei Party chu ram hmangaihtu ah kan ngai ta niber in a hriat.
Tunang zela Politics kan hmuhdan leh kalpuidan hi kan chhawmnung chhozel a nih chuan, Politician te hian Voters hmuh bakin min hmulo anga, Citizen kannihna a kan chanvo chuan ngaihthah a hlawh chho tial tial thung ang.
A nawlpui hian buaipui luai luai lo ila, ram tana hmala theitu chuan la maisela, an hmalakdan atangin mipui lamin tehfung lo lek ila, chu chu ram hmasawn nan pawh a tangkaiin, mipui nawlpui tan a hluin a tlo em em zawk dawn a ni.