.jpg)
Hnam tichiangtu langsar ber chu Tawng a ni, a tihtheih awm e. Inthuamna leh hnam ziarang tamtak chu hmasawnnain a nekral chhomeka, Tawng pawh hi nekral a ni mek zel a, Pi leh Pu huna an chindan leh tih thindan ang diak diakin Kutni leh chhiat that ah tihvek remlo a tam tawh a, nekral mek zingah kan la hum theih awmchhun langsar tak chu Tawng humhalha, humhim hi a nih a rinawm.
Tunhnai chhovah Sorkar thuchhuah leh Tlawmngai Pawl ten Lai Tawng ngeia thuchhuah an siam thin hi a lawmawm takzet a, chhunzawmzel tlak a ni. LADC Sorkarin a theih ang anga Lai Tawng humhalha, humhim a nihtheih nana hma a lakna te hi a hlu khawp mai.
Diktak chuan sawitam ngailova langchiangsa chu, pawnlam landanah Lai fate hi Hnam hrang nihna hmuh maitheih a nilo, hetiang thohi khawvel ah hnam tamtak an awm. Lai hnam chhinchhiahna langsar tak chu tawng a nih miau vangin, Lai Tawng vawnnun kawnga hmalakna kalchhomek hi chhawmnun a, uar chhoh deuh deuh atan a itawm khawp mai.
Tawng vawngnung tura hmalakna hi reilotea hmasawn duai duaitur chi a nilo tih a chianga, thathlah lova, beih fat fat ngai a ni a, teirei peih a tula, tawng humhimtura beihna kawngah ngaihtuahna fimtak nen hmalam panzel tura tanlak hi tute emaw tihtur bik nilovin, ram mipuite kova innghat tihmakmawha neih tur chi ani.