LADCOA in CEM Relief Fund ah Rs 50,000/- an chhunglut.

       Nimin khan  Lai Autonomous District Council Officers' Association (LADCOA) chuan, Chief Executive Member, Lai Autonomous District Council  Relief Fund ah Cheng singnga (₹. 50,000/-) an chhunglut.

       CEM, Pu V.Zirsanga,  chuan, CEM office chu, Ram leh Hnam office sangber, mirethei leh mangangte tlukluhna hmun anih avangin, mangang leh tanpui ngaiten an pan thin a, Sawrkar sum   atanga tanpui leh chhawmdawl vek theih an ni lo a, pawl leh mi  tlawmngai ten CEM  Relief Fund a an thawhkhawm atang hian tanpuina leh chhawmdawlna pek thin a ni tih sawiin, LADCOA ten   miretheite leh harsa, tanpui ngaite tanpuina tura an pe chu lawmawm a tih thu an sawi.

     Niminpiah khan  Lai Autonomous District Council Officers' Association te hian Ruihhlongai leh harsatna neite enkawlna hmun Lairam Rescue Centre a hmanturin Chawieina Dawhkan panga Centre hotute hnen ah an lo hlan tawh bawk.