Central YLA in Kangmei ven Campaign an nei.

  Central YLA hruaituten State Sorkar, Environment, Forest & Climate Change Department nen thawhdunna an neih bawhzuiin, tunkar chhung khan Sangau RD Block huamchhung, Phawngpui National Park chhehvel khua ah Kangmei ven chungchang ah Campaign an nei.

Central YLA Vice President Pu F.Lalrothanga ho, Central YLA Team te hian Branch YLA hrang hrangte tlawhin, kangmei ven kawnga YLA Member ten theihtawp an chhuah thin chu lawmawm an tihthu hrilhin, nasa zawka tanla turin an chah a,  kangmei lak ah  Phawngpui National Park venhim kawngah YLA Member te inpekna chu hlu  an tiin, ram rohlu venhim nan mipui lamin tihtheih an nei nasa tih an sawi.

Kangmei ven kawngah tun aia awmzenei zawkin Sorkar in YLA te thawhpuiin, nasa zawkin tanlase an duh thu Central YLA hruaitute hi Branch YLA lam chuan an hrilh.

        Central YLA hruaitute hi Vice President Pu F.Lalrothanga'n hovin, Finance Secretary Pu T.Lalremsanga bakah CEC Member Pu M. Saingura leh Pu Martin F. Lalnunhlima te an thawkchhuak.