March Ni 16 atanga tan Lairam Isua Krista Baptist Kohhran Inkhawmpui lian Assembly Vawi 23-na chu Pathianni zan khan zawhfel ani.
Lawngtlai College veng LIKBK Biakin a Assembly Vawi 23-na, Rorel chu Assembly Chairman Upa Zahranga'n a kaihruai a, Kum 2022-2023 chhunga Assembly kum thupui atan Chanchin tha hril (Mk. 16:15) thlan a ni a,
Assembly rorel ah Council of Churches in Mizoram ah tel remtih a niin, Kohhran Inpumkhat kum 25-na (Silver Jubilee) kum 2024 ah lawm ni se tih a ni a, LIKBK hi tunhma chuan kohhran pahnih Isua Krista Kohhran leh Lairam Baptist Kohhran niin 27th November, 1999 ah khan Kohhran pakhat tuna Lairam Isua Krista Baptist Kohhran lo ni taah hian an lo inchhungfin a ni. Myanmar ram buai avanga raltlante zinga rawngbawl turin Chin Refugee Ministry din nise tih a ni a, West Bengal-ah 'Santali Mission Field' hawn nise tih a ni bawk.
Kumin Assembly ah hian Thupui atan Marka 1:15 na beh chhanin Pathian Ram tih chu hman ani a, he thupui hi mi hrang hrang ten an sawi a,
Nimin Pathianni inkhawmah Probationary Pastor lak thar mi pathumte Probationary Pastor atan lakluh an ni a. Missionary thawklai mi pathumte ordination pek an ni Kum 2022 - 2023 Assembly Budget atan Rs. 24,32,00,000/- pawm a ni a, Lairam Isua Krista Baptist Kohhran ah hian member 36049 an awm mek a, Tualchhung Kohhran 118 an nei.