Mizoram chhimlam, Lawngtlai leh Siaha District in Power Supply changtlung zawk an neih theih nan Sorkar chuan hma a la mek
Chhimlam Power Supply chungchangah The Lawngtlai Post in ,Power & Electricity Lawngtlai Division a Executive Engineer, Pu Laldawngliana a zawhna ah, Executive Engineer chuan tunlai hian Lawngtlai bul, Chawnhu a Sub Station chu 132 Sub Station a tilianturin hmalakna kalpui mek a nih thu a sawi a, 132 Sub Station hi pehfel a nih hun chuan, Power an dawnte a nihdantur angin mipuiin, Voltage sang zawk an dawng thei dawn tih sawiin, Chhimlam power lakna line chu ahranpa a tihlen ngai a nilo a ti.
Er.Laldawngliana chuan tun dinhmun ah Lawngtlai District in Power Mega Watt 5, Siaha in Mega Watt 6 an mamawh tih sawiin, tun dinhmun ah Lunglei leh Lawngtlai inkar a electric hruaipui kalna hnuai chu a tamzawk thenfai a ni tawh a, hnathawh nawmlaiin thawh hmabak awmte thawhtum a ni a ti a, Sorkarin a ruahman anga Chawnhu a 132 Sub Station pehfel a nih hun chuan Lawngtlai leh Siaha District ten Power hnianghnar zawk an nei thei dawn a ni a ti.
Power Supply changtlung zawk a awmtheih nan, hnathawh nawmlai chuhin, hnatul pawimawhte thawh zeuh zeuh a ni leh dawn a, lohtheihlohvin Power Supply khaihlak chang a awm thin a, mipui lam hriatthian nan Excecutive Engineer chuan a ngen.