Kum 2025 ral hmaa India ram chhunga TB natna umbo tumna beipui thlak kal mek ah Lawngtlai District chhunga House to House Survey nei tur Piramal Swathya team te chu Inrinni chhun khan Chief Medical Officer Dr. LP Malsawma chuan CMO office kawt atangin a vailiam. An ni hian ni 100 chhung in Lawngtlai District chhung ah Survey neiin a tul angin Awareness Campaign an nei nghal ang.
Piramal Swasthya vailiamna puala inkawm tawi CMO Conference Hall, Lawngtlai a neih hi Pi Dr. S Thaizi, chuan kaihruai in, Pu James Zarzoliana Senior Treatment Supervisor Lawngtlai in Introductory Speech a neih hnu in, Dr.LP Malsawma chuan Piramal team te an hnathawhna tur ah fuihna thu sawi in Lawngtlai district mipui tana Missionary hna thawka missionary rilru pu a, taima taka hna thawk tura fuihin, Piramal Team te hi a vailiam.
Tun dinhmun ah hian Lawngtlai district ah TB vei mek nikum a hmuh chhuah enkawl mi 71 leh kumin a hmuhchhuah mi 22 te nen enkawl mek hi mi 93 an awm mek a ni. Pirimal Swasthya kal tlang hian Piramal team te hian Lawngtlai district chhung ah Block hrang hrang pali, Lawngtlai, Sangau, Bungtlang, Chawngte siam in,block hrang hrangah TB vei zawn chhuah beipui hi an nei mek.