Nimin khan Pu JB.Vanhoy Executive Member, Social Welfare , LADC chuan Lairam Motherless Home tlawhin, tanpuina Rs 20,000 a hlan.
Pu JB.Vanhoy chuan District council chu Mi zawng zawng tan a ni a, LADC Sawrkar chuan chanhaite leh chhumchhe zawkte lam hawi a, tanpui ngai leh chhawmdawl ngaite hawisan ngai lo sawrkar anih thu sawiin, hnucham tanpui nan hian sum tam tak dahsak thei rih lo mahse, an tan sawrkar chu a in hawng reng tih a sawi.
Pu JB Vanhoy , chuan Lairam Motherless Home chu a ngaih pawimawh thu leh, sawrkar atanga hamthatna leh tanpuina awm thei ang angte pawh a ngaihtuah sak zel dawn a ni tih a sawi a, Lairam Motherless Home-ah hian Naupang 26, Hmeichhia 8 leh Mipa 16 an awm mek a; LMH a thawktute chuan LADC Sorkar chungah an lawm tak zet tih an sawi. E,M hi District Council Social Welfare Officer, Pu J.Sangthangpuia leh Department staff ten an tawiawm.