Central Young Lai Association in a ngenna angin Lawngtlai leh a chhehvel a kawng siamtute chuan chak zawkin hna an thawk chho tan.
Kar kalta Inrinni khan Central YLA hruaitute chuan Lawngtlai khawpui pawhtu kawngpui pawimawhte a hmunah tlawhin, hnathawktute inthlahdah vangin a nihtur a nilo tih an hmu a, hemi hnu hian hnathawktu Company te chu kokhawmin, thahnem ngai zawk leh chakzawka hnathawktur a an ngen hnu ah, nimin Thawhtanni atang khan a theih ang angin Lawngtlai pawhtu kawngpui pawimawh siamtute chuan chak zawkin hna an thawk tan a, heng hnathawhte hi Central YLA chuan nguntaka vilzuiin, hnathawhtheih hun chhung thal laiin chaktaka hna thawh a nihtheih nan theihtawp chhuah a hmalakzel an tum.
Hnathawktute chu Central YLA chuan ram rotling hnutchhiahtur a chahin, an hnathawhna ah harsatna an nei a nih chuan theihtawp chhuah a sutkiandan zawnpui an inhuam thu an hrilh.
