LADC Sorkar chuan hnam ziarang a bopilloh nan hmalakna peng pakhat atan Thawhtanni apiangin Lai Hnam thuam a inthuam turin a hnuaia thawkte a hriattira, heihian zawm pawh a hlawh chho viau a, hetianga hnam ziarang a bopillohna tura hmalakna hi chhunzawmzel atan pawh itawmtak a ni.
Hnam humhalhtur hian kilkhat atanga hmalakna chauh a tawk zolo tih a chianga, kiltin atangin hmalakna inkhairual neih a tul a, a pawimawh laiber ni a lang chu, Hnam a ropui a, a dinchhuah theihnatur chuan, intodelh hi niin a hriat a, eng hnam pawh a intodelhloh chuan, chimralna kawng an tan zawh a awlsam em em thin a, hnam hming te chu bo tak tak thei a nihloh rualin, a mihringber chimrala an awm si chuan, chu hnam chuan hriatzui a hlawh a nih pawhin, a chhezawnga sawizui an ni thin.
Lai hnam hian a bika inhnungbikna Autonomous District Council a nei a, heihi a hlutakzet a, a hlutna hi hmanthiam deuh deuh a tul a, a chhunga chengten rohlutak hi dinchhuahpui aia, thatchhiatnan emaw, tumruhna tineptu atan emaw kan hman palh hlauh chuan, hnam ang pawhin inchhirna thlentu a ni palh thei tih hriat a tha a, kiltin ah mahni theihna zawn theuh ah hnam humhalhtura hmalakna hi i uar ang u.