NABARD Mizoram kaltlanga hmalakna hnuaiah, vawiin khan KVK Lawngtlai chuan Alu chi tha Kufri Megha leh Kufri Jyoti quintals 80 an semchhuak Alu chi hi kuthnathawktu thlan bik mi 20 hnenah sem a ni a, Alu chi semchhuahna hi Pu Evan T Mungsong District Development Manager NABARD Lunglei chuan kaihruaiin, khuallian, Pu Lalringliana DAO Lawngtlai chuan kuthnathawktute hnen ah Alu chi hi a sem a, Alu chi bakah hian, a chi sawngbawlna damdawi pawh kuthnathawktute hi a sem nghal.
Pu Lalringliana chuan, Alu chi tha Lawngtlai District ah chintur an neithei chu lawmawm a tihthu sawiin, kuthnathawktute chu thahnemngai taka thawktur a fuihin, harsatna an neih chuan, Sorkar chu an mahni puiturin a inpeih reng a ni a ti.
Chawhnu lamah alu ching tu tur te chu, Pu Rualthankhuma, Subject Matter Specialist (Agronomy) leh Pu Malsawmkima Vanchhawng (Farm manager) KVK Lawngtlai ten Alu chin dan leh a chi sawngbawl dan an zirtir a, he hun hi Dr. Benjamin Lalduhawma Project Director ATMA , Pu Lawmkima Lead bank manager leh World vision Lawngtlai ten an hmanpui .
Tags
News