UNO a tel ram hrang hrang ten, kum 2030 a hmasawnna khairual an neihtheih nan a hma an lakna Sustainable Development Goals kalpui tur ah, India ram a District hnufual, dawmkan bik ngai zingah Lawngtlai District chu a langpha a, tehfung hrang hrang hmanga tehna atangin, Lawngtlai District dinhmun chu a hniam zingah a langpha a ni.
A hniamna chhan hi CADC leh Ngengpui thlanglam a khaw thenkhat te vang a ni tih chu a chiang a, heng khuaah te hian engtiang takinnge hmalakna kalpui a nih ang tih chu hmalatheituten an duangchhuak dawn a, a pawimawh lai chu, a michengte hian dawmkantlak nih an tumve a ngai a, tumna a awm miau loh chuan awmzia thuitak hmasawnna hian a neithei thinlo.
RSVY te BRGF hmangten nasatakin Lawngtlai District ah hmasawnna thawhnatur sum a luangluta, mipui tana tangkai tak tak thawh a lo nitawh thin a, sumlutzat nen a khaikhin chuan duhthu samlo erawh a awm thei maithei e, heng bakah pawh hian, hnathawh hi a chawl meuhlo tihtheih a ni a, englaiber hi nge dawmkan ngailai tih pawh hriatfuh a har maitheih laiin, a michengte hian thlirna dik, sukthlek pangngai, hmasawn duhna thinlung neih a ngai a, hetatang hian hmasawnna pawh a kalchakin a rinawm.