East MLA in Refugee Camp leh Sport School sakmek a tlawh

         Vawiin khan Lawngtlai East bialtu MLA, Agriculture Development Board Vice Chairman, Pu H.Biakzaua'n Lawngtlai a raltlan camp leh Sport School sakmek a tlawh

        Mahni sahimna zawnga Myanmar atanga Lawngtlai a tlanlut te dahkhawmna, Trade Facilitation Centre leh Lawngtlai Vengpui ten raltlante an dahkhawmna hmun leh Council veng in Relief Camp an sakmek te MLA chuan tlawhin tanpuina pawisa fai bakah Buhfai leh chawhmeh lam chi leh Tel te a pe a, Pu H.Biakzaua chuan raltlante chu thlamuangtaka [The Lawngtlai Post] awmtura chahin, naupangten zirlai an chhunzawm theih nan Sorkar chuan kawng a ruahman tih a sawi a, State Sorkar chuan Raltlante chu a ngaihsak hle a, Lawngtlai District ah pawh DC bakah Village Council leh YLA ten theihtawp chhuahin raltlante chhawmdawlnan tan an la chu lawmawm a tih thu a sawi.

        Lawngtlai East MLA hian cheng nuai  3461.70 senga sakmek, College veng a, Lawngtlai Residential Sport School pawh a [The Lawngtlai Post] tlawh nghal a, hnathawktute chu ram rotling hnutchhiah tutur an ni tih hriaa, thataka hna thawkturin a chah. 

Lawngtlai Residential Sport School hnuai ah hian,

(a) Astroturf Field

(b) Academic Building

(c) Girls Hostel

(d) Boys Hostel

(e) Coach/Staff Quarters

(f) Principal Quarters

(g) Multipurpose Hall

(h) Basketball Court

(i)  Volleyball Court

te a awm dawn a, kum 2023 a zawhfel tur a tih niin, hna hi DJ Consultancy,Aizawl ten an thawk mek ani.

      

        Lawngtlai East MLA hi Lawngtlai DC, Dr Andrew H.Vanlaldika bakah LADC a Executive Member te leh MNF District Hqrs Lawngtlai hruaituten an tawiawm.