Lawngtlai District tana YLA tangkaizia hrelo kan awm a nih chuan, khawtlang kalphung ngaihsakloh vang a nih loh pawn, hriatduhlohluihna vangte pawh a ni maithei e. YLA in a tihtur niawmlo thleng thlenga khawahnge kan YLA te, CYLA in hmalase, ti a ngaihdan nei an awmfo a, hengte hian YLA tangkaizia a lanfiahtir khawp mai.
Inrinni khan kawngpui chungchangah hmalakna an kalpuimek chu CYLA chuan chakzawka kalpui a nihtheih nan, an mahni ngei thawkchhuakin, hnathawktu te an kawm a, an awmna ah te kalchilhin mipui aiawhin CYLA chuan kawngpui tha kan neihtheih nan hma ala a, an hmalakna hian awmzia thuitak a neih lai reng a nih rualin, chakzawkin kawngpui siamtuten hna an thawhphah ngei ang tih a rinawm.
Hmasawnna hna thawktute nawr leh ven an ngaifo hi a khamawm a, a nihtur angin thawk maisela, chu chuan awmzeneia hmasawnna pawh a nihtur angin a thlen ang tih a rinawm a, hetiang ngawt hi a nih thin siloh vangin, Central YLA leh Branch YLA thlengin chetchhuah a ngai thin a, hetiang zawnga YLA in hma a la thin hi a thlamuanthlak khawp mai. Central YLA hmalakna vangin, reivaklo ah kawngpui thazawk kan neih ngei i beisei ang u.