Raltlan 3701 an awm mek

  Central YLA General Secretary, Pu JH Lalrindika’n, The Lawngtlai Post a hrilhdanin, chanchin buatsaihlai thleng hian Central YLA in Lawngtlai District a raltlan awmzat a chhinchiahdanin,  Myanmar ram buaina vanga mahni sahimna zawnga, Lawngtlai District a tlanlut mi 3701 an awm mek.

Raltlan zat hi a danglam chho deuh reng a, Myanmar atanga rawnlutthar an awm deuh reng laiin, hun engemawchen Lawngtlai District a an awm hnu a, remchanzawkna vanga District dang pan te pawh an awm deuh reng bawk a, lut leh chhuak hi Branch YLA ten nguntakin an chhinchhiah zel a ni.

Tun dinhmun a Central YLA in a chhinchhiahdanin, Eastern zone ah Raltlan  2233 an awm mek a, Western Zone  ah 164, Paithar  Zone  -   ah 372, Lawngtlai khawpui chhungah    932  an awm mek.

Raltlante hi a hran a Refugee Camp siamsaka awm an awmlaiin, mahni chhungte bel a awm pawh engemawzat an awm a, hna remchang thawkin a theih ang anga intuamhluam an awm nual a, hetihlai hian Raltlan chhawmdawlna pawh theihtawpa kalpui a ni chhunzawmzel a, Lairam Isua Krista Baptist Kohhran a Pastor pahnih chuan tunlai hian Raltlan te tlawh kualin, Pathian ah rinna thuk zawk an neihtheih nan hma an la mek.