Pu C.Ngunlianchunga chuan an sahimna zawnga raltlante chu thlamuangtaka awmtur a chahin, Lawngtlai West bial mipui leh District mipui ten Raltlan an ngaihsakna ah lawmthu sawiin, raltlante chuan harsatna an neihte khawtlang hruaitute hnen ah thlen thintur a hrilhin, bialtu MLA leh Laifa anihna angin theihtawp a chhuahzeltur thu a sawi a, Lawngtlai West MLA hian Lower leh Upper Saikah a Raltlante hi Buhfai, Tuizem, Silpoulin, Mutbu leh thawmhnaw bak ah Bungbel te a pe a, naktuk hian Lawngtlai khawpui chunga Raltlan awmte an tlawh leh anga, tunkar chhung hian Sangau RD Block huamchhunga Raltlan awmte tlawhchhuah an tum bawk.
Lawngtlai West MLA hi Lai DCC President Pu J.Ropianga leh hruaitu dang bakah, a nupui Pi KR Chhingpuii, Raltlan zianga naupang te dinhmun vila, tanpui an ngaihna laia kawng dapsaktura, khawvel pum huapa din, Mother of Chin Releif Committee a Treasurer nilai ten an tawiawm.
Mother of Chin Relief Committee ah hian President chu Sweeden a awm niin, hruaitudang te pawh ram hrang hrang, USA, Netherland, Canada leh Singapore a awmte niin, Pi KR Chhingpuii hi India atangin he Committee ah hian hruaitu niin, Treasurer nilai ani.
Tun dinhmun ah Central Young Lai Association ten an chhinchhiahdanin, Lawngtlai District ah Raltlan 3186 an awm mek a, Lower Saikah hian 77 awmin, Upper Saikah ah 125 an awm mek.