Rev C.Chanchinmawia lehkhabu ziah, DC in a tlangzarh.

     Lawngtlai DC Dr Andrew H.Vanlaldika chuan Zirna In te chuan Sumdawnna aiin, mipuitling chherchhuah kawngah tan an lak a ngai a ni a ti.

        Vawiin khan Lawngtlai DC hian Lairam Higher Academy of Science, Principal, Rev C.Chanchinmawia lehkhabu ziah 'Thuruk ka hrilh ang che' tih a tlangzarhna ah hethu hi sawiin, zirlai naupangten tumruhna leh mipuitling an nih theih nan Zirtirtute chu a kaihruaithei ber an ni a, naupangin an entawn ber chu an Zirtirtute an nih vangin, mipuitling chherchhuakturin nun uluk a pawimawh tih sawiin, zirna In thenkhat chu sumdawnna hmun emaw tih maitura, naupang hmalam hun aia Division  sang, Result chauh ngaipawimawh a awmtheih a, hetiang hmun atang hian  mipuitling chherchhuah a har a ni a ti.

        Kan ramin zirna a ngaihpawimawh em em laiin Rev C.Chanchinmawia'n zirlai naupang ten an zirlai leh an nunah harsatna hrang hrang an thawh te leh a sutkiandantur hrang hrang te, naupangten hmalam hun an thlir thiam theihna tur a kawhhmuhna lehkhabu thatak mai a ziak chu lawmawm a tihthu leh lehkhabu pawimawh tak a nih thu Lawngtlai DC chuan a sawi.

     Lehkhabu ziaktu Rev C.Chanchinmawia chuan lehkhabu a khawrpum theihnan a tanpuitu zawng zawngte chungah lawmthu a sawi.