LADC hnuai a Primary School 62 leh Middle School 47 ten School an hawndan tur, Education Department, LADC chuan a duangfel.
Lawngtlai DC in hrikai awmlohna khua ah te Zirna School hawn theih a nih thu a chhuah hnu ah, nimin atanga School kaitan turin Education Departmet, LADC chuan Primary School 35 te kaldantur nimin khan a siamfel a, Pawl khat leh pawl hnih chu Thawhtanni leh Ningani ah School an kai anga, Pawl 3 leh Pawl 4 ten Thawhtanni, Nilaini leh Zirtawpni ah School an kai thung dawn a ni.
Primary School hawntheih tur te hi District khawthlanglam Western Circle ah School 30, Centre Circle ah School 2, Eastern Circle ah School 30 an ni.
Education Department chuan Middle School kaidantur pawh ruahmanin, Class-V leh VI te chu Nilaini leh Zirtawpni ah an kai anga, Class VII leh Class VIII chu Thawhtanni, Thawhlehni leh Ningani ah te an kai dawn a, Middle School hawntur te hi Bungtlang South RD Block huamchhungah Middle School 18, Lawngtlai RD Block ah 15, Sangau RD Block ah Middle School 14 a ni a, Zirna in ah te hian Hrilaka inkaihhruaina thataka zawmtur a tih an ni.