Hrikai, enkawlna hmun, Khawtlang enkawlna hnuai a awm, Community Covid Care Centre (4C) mamawhna chu a lian chho viau tawh a, tuna Lawngtlaia CCC hian min zolo tan tawh tih a chiang a, hrikai enkawl ngai hi engzatnge la awm dawn tih a hriatlohva, khawtlang enkawlna hnuai a Hrikai enkawlna tur hi mutmawh hnarmawh a neih a ngai in a hriat ani.
Mipui lam tana himtawk tur a ngaih, hmunhma nei, veng leh khuate chuan, anmahni bilin 4C hi neithei vek sela, chu chuan Hrikai enkawlna ah Sorkar phur pawh a chhawk ngei ngei dawn a, Hrikai enkawllai leh an chhungte tan pawh engemawchen chu awlsamna a siamsak hial zawkin a rinawm.
Vanneihthlak takin Hrikai te zingah a tamzawk daih hi, natna enkawlngai lutuklo te an ni a, mahni vengchhung emaw khuaah ngei enkawlna an dawntheih dan ngaihtuah a tul a, a bika enkawlngaite chu hmunbik ruahmanah dahluh theih reng a niin, Hrikai te tan pawh 4C a awm leh 3C a awm hi a danglamna a awm hranin a rinawmloh.
Hetihrual hian a bikin khawpui chhungah hian 4C lo awmfur tase, a viltu Medical Team lam pawh an hahzual deuh chu a ngai dawn a, chutihrual chuan, an tan pawh thiltih zung zung a awlsamna chin pawh a tamtheiin a rinawm.
Vantlang enkawl Hrikai enkawlna hian, Hrikaite tanpuiduh, mitlawmngai leh inphalte tan pawh an chetchhuahna kawng a inhawnzau phah a, chu chuan a enkawlna ah harsatna awmthei pawh nasatakin a sutkian ngei pawh a rinawm ani.
Hri thawh thumna la hmachhawntur kan ni a, tun atanga, Hrikaite enkawlna tur hi kan lo buatsaih lawk emaw, kan lo kalpui loh chuan, hmalam hun ah harsatna lianzawk tawkthei kan ni tih a chiangin a hriat ani.