LADC Sorkar mamawh thil hrang hrangte Mizoram Sorkar hnena thlen tura zinchhuak, Pu Manghmunga Chinzah, CEM chu hapta khat dawnlai Aizawla a chàm hnuin Inrinni tlai khan t Lawngtlai a rawn thleng a, LADC-a sorkar hotu mi thahnem tak leh MNF party hruaitu mi engemawzatin ramriah lo hmuak
Pu Manghmunga Chinzah, chuan Aizawla a cham chhungin Chief Minister leh Minister thenkhat hmuin LADC mamawh hrang hrangte a thlen a. Mizoram Governor pawhin hun thawl tak pe in inkawmna hun tha tak an nei a, LADC dinhmun leh mamawhte Governor hnenah a thlen tih sawiin a thil sawite chu Governor in dan chhungah a tul anga lo enzuia tihhlawhtlin a tum thu alo hrilh tih a sawi bawk.
CEM hian Serchhip Bial MLA Bye Election- ah MNF Party Candidate, Pu Vanlalzawma campaign puiin kal lam hun a hmang a. Aizawl pana a kal pahin Chhingchhipa Sainik School-ah Laifa zirlaite a tlawh bawk. Pu Manghmunga Chinzah chuan Aizawla a cham chhunga tum hnih ngawt hun remchang siamsaka a thu thlente tha taka lo dawnsawn saktu, Chief Minister Pu Zoramthanga chungah lawmthu a sawi a. Dy. Chief Minister Pu Tawnluia leh Ministers dangte chungah pawh anlo duhsakna avanga lawmthu sawiin Mizoram Governor Pu P.S. Sreedharan Pillai chungah thinlung takin lawmthu a sawi bawk tih sawiin, duhsak taka a mah lo hmuaktu LADC hotute leh MNF party hruaitute chungah lawmthu a sawi bawk.