Central YLA General Secretary Pu JH Lalrindika chuan , The Lawngtlai Post zawhna chhangin, Central YLA chuan raltlante hi Branch YLA kaltlangin nguntaka chhinchhiah an nih thu a sawi a, raltlan hi an awmbelh zel vangin, a zat hi a danglam chho reng a ni a ti.
Kar kalta chhung khan raltlan tam zualna lam Sangau RD Block huamchhung a khua / Veng 22 te Central YLA hian an President Pu HC Vanlalruatpuia hovin an tlawh a, tanpuina Pawisa bak ah Dal, Alu leh nitin khawsakna a an mamawhtur lam chi thahnem tak an sem a, Lawngtlai khawpui leh a chhehvel leh District chhung khawthlang chu remchang hmasa ah chhawmdawlna hi pek an tum.
Raltlan te hi tar chaklo leh kum upa lam bak ah nunau an tam zual a, mahni chhungte bel a khawsa nawk nawk thei e ngemawzat awm mahse, belhtur neilo tamtak an awm bawk vangin, an tlukluhna khuate chuan a theih ang angin an lo chhawmdawl mek a ni.
Kumin March 29 a Lawngtlai a Myanmar ram a Sipai chetdan demna lantir a nih tumin Central YLA President chuan YLA chuan raltlante alo ngaihsak tur thu alo sawi tawh a ni.