Lai Autonomous District Council a Chief Executive Member, Pu Manghmunga Chinzah chuan nimin khan Mizoram Larsap Pu, P. S. Sreedharan Pillai chu hmuin, District Council tana thilpawimawh te an sawidun.
LADC, CEM chuan LADCdinhmun tlangpui Larsap hi hrilihin, ram danpui, Sixth Schedule leh District Council inenkawlna dan Constitution, Conduct of Business Rules (CCB Rules) ah te, tun aia Autonomous District Council ten awmzenei zawka hmasawnna an neih theih dan tur Pu Manghmunga Chinzah chuan Larsap hnenah hian thlenin, Larsap chuan, CEM thusawite chu, dan hnuai ah tihhlawhtlin theihte lo enzui a tum thu CEM hi a lo hrilh.
CEM hian Larsap, Pu, P. S. Sreedharan Pillai hi Lai Hnam puan Chawngnak a pe a, Larsap hian duhsakna a dawng chu lawmawm a tih thu a sawi.
CEM zin hian, State Sorkar hotu lian engemawzat hmuin, LADC tana pawimawh hrang hrang te a sawi pui a, CEM zin hi, Pu C.L. Lianzuala, EM (EF&CC) leh official pawimawh ten an tawiawm ani.