Lawngtlai District, Sangau RD Block huamchhung, Lungtian leh a chhehvelah Ran natna hri aleng ni a sawi bawhzuiin, AH&Vety Department ,Lai Autonomous District Council chuan Dr Lalnunpuia Chinzah leh mithiam dangte tirin, nimin khan a hmunah an enfiah.
Ran thi leh damlo te thisen te endikin test a ni a,ran thisen endik na atanga alan dan chuan Vawk damlo leh thi te chu hri lengmek Porcine Reproductive and Respiratory Syndrome (PRRS) emaw African Swine Fever (ASF) a ni lo a tih hriat a ni.
Dr.Lalnunpuia Chinzah ,Veterinary Officer,AH & Vety Dept,LADC chuan mipuite zirtirna pe in,tunlaia ran hrileng avang a chiai lo tur leh,hrileng laka an Ranvulhte ven dan zirtirin, harsatna an neih ah, LADC hnuaia AH&Vety mithiamte chu biakrawn theih reng an nih thu a sawi a. ran vulhtute hnenah Damdawi chi hrang hrang leh vitamin te semin, Ran damlo zai ngai te a hmun ah Council mithim te hian an zai nghal.
LADC hnuaia AH&Vety Department te hian Council huamchhunga ran damlo te a hmunah kalin an enfiah deuh renga, ran damdawi a thlawn a an sem thin bak ah, ran vulhtute Training an pe deuh reng bawk.
Tags
News