Hripui leng laka invenna atan a zan lam Curfew chu a hunchhung tihsei a ni leh tawh a, zan dar 8:30 atangin Curfew hi neih tan a ni leh tawh a, dan leh thupek kengkawhtu lam te an hahin, kumpuilinglet in Police leh VLTF lam ten chawlh an nei meuhlo a ni ber mai.
Zan Curfew hian nghawng tha tak tak a nei nual a, tullova chhuakvak an tlem a, chhungkaw nun thlengin a thazawngin nghawng a nei nual a, nu leh pa te sumbawm pawh a phaichaklo deuh maithei a, zanlam a sualna punlun thin pawh a tlem phah ngei ngei ang.
Hetiang a nihmek lai hian, zan Curfew puan a nihna chhan tak chu Covid 19 vang a ni a, phai khawlum a chengte vahharhna leh mamawh lamkhawmna hun zanlam chu, an zia anga kalpui ve lohna, pawnchhuak tlem hunlai chu Mizoram ah pawh pawnchhuah khap a ni thova, Sorkar in mipui tana thatur a a ruahman a ni a, a tha ngei tur a ngai ila a hahdamthlak awm e.
Hri hi zanlam a kan hlauh ang bawk hian chhunlam ah kan hlauh ve a ngai a, zan lam a pawnchhuah khap, chhunlam a hrilaka inven tumna awm manglo hi a dik thei lova, heihi sorkar in mipui kaihhruai a tumdan niin a hriat lohva, Hripui hi engtiklai pawn hlautur leh, hri laka invenga, hridarhtur dangturin theihtawp chhuah hi ram mipuite tihtur a nih vangin, zanlama tul pawimawh zualte chauh an chhuak ang hian chhunlam ah pawh hripui kan hlauhna i dahbolo teh ang u