Thalai te cho nan a, Mizoram a District hrang hrang, ke a tlawh chhuah vek tum, thiandun, ZOTREK Member pahnih Romalsawma Hmar, Mission Veng leh Vanromawia, Bawngkawn te chuan nimin khan Lawngtlai an thleng
Heng thiandun te hi Lawngtlai District MJA te chuan Lawngtlai Press Club ah lo hmuakin, District MJA President Lalngheta Ralte chuan, thalaite cho chhuah na tur a an thiltih chu chhuanawm an tih thu sawiin, MJA Lawngtlai District chuan duhsakna an hlan tih a sawi a, District MJA te hian pawisafai an paitir bak ah thilpek dang hlanin, thingpui an inpui.
Romalsawma leh Vanromawia te chuan, tunlai ah thalai leh Pavalai zingah mahni hriselna ngaipawimawhlo tamtak an awm a, heng mite hi engtin emaw tal an cho chhuah theih chu an tumber a nih thu an sawi.
MJA te hi LADC a Information & Public Relations Officer, Pu HC Vanlalruatpuia bakah, heng Thiandun te thiltih ngaihlutu mithenkhat ten an tawiawm.
Heng thiandun te hian April 6, 2021 khan Aizawl an chhuahsan a, nizan khan Lawngtlai ah riakin, vawiin hian Siaha an pan dawn.
