Khawpui chhunga lirthei chak tak taka khalh thinte hian, an thiltih hi a thin zia an hria angem aw, hawihhawmna tel miahlova khalh thinte hian lirthei khalhtlak an nilo tih an inhria angem le ?
Mizoram Upa Pawl, District Hqrs. Lawngtlai chuan tunhnai khan ngenna siamin, Two Wheeler khalh thinte chu tlan muangturin an ngen a, naupang leh tar chaklo zawkte an himzawk theih nan hetiang ang ngenna hi siam an ni a, he ngenna hi Two Wheeler khahthin tamtak hian an hrelo maithei e, an hrelo a nih pawn, Nu leh Pa ten mahni fate, hawihhawm taka lirthei khalh tur a kan inzirtir a pawimawh viau awm e.
Kan khua / veng chhungah lirthei chak tak taka tlan phal a nilo, tih a ngaih chuan, hmasawnna tur kan la ngah hle ah ngai ila, Car leh Bike chhuak thar tha tak tak inhung ferfur mahse, hmabak kan la nei nual tih erawh a chiang a ni.
Two Wheeler chak tak a khalh thinte hi, a tamzawk chu Nu leh Pa te chawmhlawm an ni duh viau a, a bulber chu chapo vang a nih duh viau in a hriat a, hnunglam atanga minnuih zuitute hian min dahsang lemlo tih erawh an hretha duh manglo a, khuahkhirhna khauh zawk mamawhna a lian a ni ber mai.
Kawngpui zaulai ah Two Wheeler ve ve te an han insu thei maite hi, vanduaina tawkte an lainatawm rualin, midang ngaihsak miahlova lirthei an khalh vang a thleng a ni duh viau a, inzirtirna mumal zawk hi neih a tha viauin a rinawm.
Kan himtlan nan lirthei khalh thinten, hawihhawmna nen lirthei khalh ila, rem leh remloh chunga midang tlanpel thei nih hi lirthei khalh thiam lanna nilovin, mawlna lantirtu a ni.