Lawngtlai atanga khawtlanglam panna kawng pawimawh, Lawngtlai-Diltlang-Parva Road chu siamthat mek a ni a, Ngengpui lei chu Lirthei ritphur tan zawh theih a la nilo“Helai kawng hi BRTF enkawl niin, tunlai hian kawngpui Blacktop hna thawh mek niin, engemawchen chu thawhzawh a ni tawh a, fur ruahtui tlak hmain, a tam thei ang ber hnathawh tumin tan an la mek.
Tunhnai khan helai kawng hi Lawngtlai Additional DC, Pi Marilyn Rualzakhumthangi chuan zawhin, kawng siammek a hnathawh te a enpui a, he kawngin a paltlang, Lawngtlai District leh Lunglei District inkalpawhna Ngengpuikai a, Ngengpui lei chu hmun engemawzat ah thir tuiekin a eichhiat tawh vangin lirthei ritphur tan zawh ngam a nilova, District Magistrate chuan thupek a lo chhuah tawh a ni.
Ngengpui lei zawhkai ngam a nihloh vang hian, he Lei paltlang a Buhfai chawlut thin khua te tan Food Civil Supply & Consumer Affairs Department chuan mipuiten awlsam zawka Buhfai an laktheihnan ruahmanna an siam a, District Magistrate chuan bungrawphur lirthei te chu KMMTTP Kawng lam ah kalturin thupek a lo chhuah tawh bawk.
Tun dinhmun ah Ngengpui Lei hi siamthat tuma hmalakna a hmunah hmuhtur a awm lo niin a hriat a, a chhe zuallai thenkat chu thawmthat nimahse, bungrawphur lirthei tan zawhngam a la nichuanglo a ni.