Nimin khan Lawngtlai West bialtu MLA, Pu C.Ngunlianchunga'n Lawngtlai District Hospital a, naupiang hlim enkawlna Special New born Care Unit, MLA Local Area Development Fund atanga siam chu a hawng.
SNCU hi Lawngtlai District Hospital, OPD Building ah, Lawngtlai West MLA, LAD Fund cheng Nuai 2 sing 5 senga siam niin, C.Ngunlianchunga Ward tiin a hming vuah a ni.
SNCU thar hawnna, Lawngtlai CMO, Dr.LP Malsawma kaihhruai ah, Lawngtlai West MLA chuan District Hospital chuan neitu thinlungpu a enkawltu, thawktute a neihthat em vangin, hmasawnna pawh hmuhtheih in a kalchak tih sawiin, District Hospital chu Lawngtlai West huamchhung a awm nilo mahse, District mipuiten an mamawh leh an pankhawm ber a nih vangin, SNCU an mamawhna chu a ngaipawimawh hle tih a sawi a, Lawngtlai West huamchhung chu Hriselna lam ah a hniamin, ngaihven an ngai hle tih sawiin, Health Department hmalakna chu chakzawka a kaltheih nan theihtawp chhuah zel turin hnathawktute a chah.
Pu C.Ngunlianchunga chuan PMJVK a hnathawhtur za a 80 chu Hriselna, Zirna leh Skill Development atan hmantur a ni a, a hmanna tur pawh Block level Committee in a ngaihtuah anga, District Level Committee in a lo thlifim tur a nihlaiin, a nihdantur lo ang leh, ngaihpawimawh hmasakloh tur dah hmasak ah a awm mek a ni a ti.