Lai Autonomous District Council a Chief Executive Member hmasaber, Pu, Ukmang Zathang chu Nimin khan Kum 85 mi niin a boral a, vawiin khan vuiliam ani.
Pu Ukmang Zathang hi Kum 1937 April Ni 12 khan Vawmbukah a piang a, Kum 1977 ah Pi Ngunthluaii Zathang nen inneiin, Fa mipa vek 4 an nei a, kum 1988 November thla a a nupuiin a boralsan atangin Nupui neilo in a thihni thlengin a chhungkua leh Ram tan a in pe a ni.
Pu Ukmang Zathang hian St.Anthony's College,Shillong atangin kum 1964 ah BA a zir zo a, Delhi ah MA kum 1-na a zir laiibn Zoram buai avangin a zirlai a chhunzawm thei ta lo ani. Amah hi Lehkhathiam thei tak a ni Kum 1970 a Pawih-Lakher Regional Council inthlanna ah a vawikhat nan a in pe ve a, hemi tumah hian thlantlin a ni a, Executive member ah dah ani. Pu Ukmang Zathang hian Politics a khelh hnu, Pawih-Lakher Regional Council anih lai atanga Lai Autonomous District Council anih hnu thlengin Term Nga thlantlin ani a, Lai Autonomous District Council a nih hnu Kum 1973 ah Chief Executive hmsaber ani nghe nghe a, CEM hna hi Kum 1999-2000 chhung a chelh leh bawk ani.
Pu Ukmang Zathang hian BP sang a nei thin a, hun rei tak a BP sang avang hian inenkawl ngaiin a awm fo thin a, a boral hma Ni 24.3.2021 khan Ex-MDC meeting naah pawh a tela, hemi tlai hian Bath room a a inthiar tur chu a tlu sual palh a, Damdawiin panpui nghal niin, Stroke a nei tih hmuhchhuah a ni a, Lunglei lamah Refer ani a, Lunglei an panpui laiin, Tawipui South thlen dawn ah aboral ta ani.
Amah hi Lawngtlai Council Veng ah an chhungkua a khawsa in, a lawina Kohhran LIKBK, Council Veng ah Rawngbawltu ani a, Vawiin amah thlahna ah hian Lawngtlai District chhunga Politician te an tel tha hle a, mipui amah uitu tamtak hma ah Rev. TH.Vanlalzauva'n vuina hun serh hmangin, an inbul lawkah ui tak chungin, Lairam Arsi lian, mi tumruh leh ram vei mi, Pa chhuanawm tak chu vuiliam ani ta ani.
Tags
News