Sorkar hmasain thiltha a tih chhunzawm tlak chu LADC Sorkar chuan a chhunzawm mai tih CEM, Pu Manghmunga Chinzah chuan a sawi.
Nimin khan LADC,Sorkar hmasain Laifa thalai tam zawkte Central Service a an luh theihnana tur a hmalatura a din, Financial Support to Civil Services Aspirant Committee (CISACOM) ten Delhi a Coaching Class kaltur a thlan, thlahna hun CEM Chamber a neih ah Pu Manghmunga chuan, zirna tellovin ramin hmasawnna a neithei lova, Laifa zingah thiamna sang zawk nei an pun chhoh deuh deuh chu LADC Sorkar chuan a duhber a ni a, Sorkar a inthlakin, ngaihpawimawh zawng leh hmalak duhdante inanglo mahse, Sorkar hmasain ram tana thiltha chhunzawmtlak a hnutchhiah chu tuna LADC Sorkar chuan a chhunzawm maibak ah tihtakzet in a ngaihven a ni a ti.
Tun Sorkar kum kallai ah hian Hripui leng vangin duh angin hmalak a har thu CISACOM hruaitute chuan an sawi a, tunah hian Civil Service Exam hmachhawntur a inbuatsaih tur a mi pathum thlanchhuahte chu Delhi-ah Coaching Class kalturin a tir dawn a, an senso hi LADC Sorkar chuan a tumsak dawn a ni.
CISACOM hian a theih ang angin Mizoram Youth Commission nen tangkawpin ruahmanna an siam a, tuntum a Delhi-a Coaching Class kaltur a tirhturte hi, Rebecca Lalramhmachhuan- mawii D/o Bismarck Lalramhmangaiha, Lawngtlai Bazar,C. Sangdingliana S/o C.Hmangaihkima, Lawngtlai Bazar, J. Lalawmpuii D/o J. Mangkama, Vawmbuk te an ni.