Central YLA chuan Myanmar ram buaina chungchang ah, ram mipuite tawngtai turin a sawm a, he ram a awm, kan unaute thlamuanin, inhumhimnan an rawn tlulut a nih chuan Central YLA chuan a ngaihven dawn tih an thuchhuah ah an tarlang a, buaina in a chimmekte tan chuan a thlamuanthlakin, a lawmawm dantur hi, a himchin a awmte tan chuan hriatthiam chi a nilovang.
Social Media leh tuallai titi ah te, Central YLA chuan Myanmar chungchangah awchhuah se ti a duhthawh leh thahnemngai taka sawi hriattur a awm nual a, Central YLA hi a mutthlu lova, ram bung hrang daiha thilthleng a ni a, zuan hma a, tlakna tur enfiah hmasak ngai thiltamtak awmthei a ni a, hengte hi Central YLA chuan a zirchian hnu ah, Zoram mipuite tawngtai turin a sawm ta a, Central YLA chu a huntaka a rawn chhechhuak ta.
Thenawmram, kan chhak maia kan unaute hian engang harsatnange an tawh dawn a hriatloh a, khawvel mit chu Myanmar lam ah a fu thup a ni ber a, khi ram buaina khi a tuarna zingah Lawngtlai District hi a telthei tih hriat a tha a, chunghun chu lo thleng palh tase, Arkhawthimdai lova kal a pawimawh dawn tih a chiang a, engemaw alo thleng anih pawn, tuna thuchhuah siamtute tho hi kan thlamuanpuitur leh kan belh turte an ni a, YLA nge nge kan tih hi a bang dawnlo.