Nimin khan KVK Lawngtlai ten Sentetfiang khua ah Modern Bee box hmanga khuai khawi , NABARD sum hmanga an kalpui mek chu NABARD hotute nen a hmunah kalin khuai khawitute nen hun an hmangho.
He hun a Khuallian Pu Sudheer T , Deputy General Manager , NABARD Aizawl chuan Sentetfiang khuain, khuai khawi hlawhtling taka an kalpui thei chu a lawmawm a tih thu a sawia, KVK Lawngtlai hmalakna te Sentetfiang a khuai khawitute taimakna te a hmuhin ropui a tih thu a sawi.
Khual zahawm Pu Samuel Zodinsanga , BDO Sangau Block pawhin thu sawiin, khuai khawitute chu theitawpa hmalakpui a tum thu a sawi a, Khuai khawitute chu Modern bee box hmanga khawizu thar chhuah te Honey extractor hmanga lak dan zirtir nghal an ni a, He hunah hian Pu Hramlianchunga, President, Sentetfiang bee keeper Association leh Dr .C. Lalfakawma, Senior Scientist and Head, KVK Lawngtlai ten thu an sawi bawk.
He hun, tunlai thiamna hmanga khuai khawi hmanga eizawnna nghet neihtheihdan leh Environment humhimna atana thil tangkai a nih zia in hrilhhriatna hi Evan T. Munsong, District Development Manager, NABARD chuan kaihruaiin, Sentetfiang khua ah khuai khawi Project kalpui a nih chhan tlangpui leh Agriculture lam ah hmalakna tur hmun hma an neih that loh avanga khuai khawi enzawnna tling khawpa kalpui angaih zia a sawi.