Nimin khan Lawngtlai khawpui a Ek paihna mumal leh a sawngbawl dan tur chungchang, Pu T. Lalengmuana Executive Member i/c Local Administration Department hovin, Lawngtlai District Village Council Association hruaitute leh Khawpui chhung VCP ten an sawiho
He inkawmho na ah hian Pu J. Zahlira, Local Administrative Officer chuan 15th Finance Commission atanga grant hmuh 25% chu Sanitation atan a nihthu sawiin, faina leh thianghlima kawnga mumal leh tha zawka hmalak tum a ni ati.
Executive Member i/c LAD Pu T. Lalengmuana chuan Village Council hruaitute nena thawhhona tha tak an nei chu lawmawm ati a, harsatna kan nei anih pawhin inpawhho taka sawi hova infinchhuah thin turin a sawm. He hunah hian V/C Association hruaitute pawhin ek paihna leh paihdan chungchanga harsatna an tawh thin te sawiho niin Multi-modal kawngkama ek paih an awm thin te leh hei hian ei leh intur tui thlengin a tibawlhhlawh theiin hriselna atan pawh a pawi thei ani an ti a, mumal zawka hemi kawnga hmalak dan tur Executive Member ho hian sawiho a ni.
He hunah hian Executive Member i/c Sanitation changtu Pu Lalropuia Chinzah leh Sanitation Officer Pu C. Lalhmunsiama te an telin Engineer Malsawmtluanga Hlawnchhing, Assistant Engineer (PHE) in PowerPoint-presentation hmangin hmalak dan leh hmalak mek te a sawifiah.