Lawngtlai District chhung, Myanmar ramri dep, Archhuang khua a Vawk natna chu PRRS (Porcine Reproductive and Respiratory Syndrome) / ASF (African swine fever) a nilo tih finfiah a ni.
Tunlai hian Archhuang khua ah Vawk damlo an awm nual vangin LADC a Executive Member, AH&Vety enkawltu Pu Sanghuliana Mualchin chuan Archhuang khua ah hian LADC a AH&Vety Department a mithiamte chu Dr.Lalnunpuia Chinzah hovin a tir a, mithiam ten Sample an lak chu nimin khan Lawngtlai ah endik niin, Vawk natna hrileng a nilo tih finfiah a ni.
Hemi chungchang ah hian Dr.Lalnunpuia Chinzah chuan Archhuang khua a Vawk damlote chu thil hlauhthawnawm a awmloh thu a sawi a, an ran vulh ah harsatna an neih chuan englaipawhin anmahni tanpuiturin LADC a AH&Vety Department chu an inpeih reng tih a sawi bawk.
LADC a AH&Vety mithiamte hian Archhuang khua ah hian ran damdawi a thlawnin an sem bak ah, ran enkawldan chungchang mipuite an zirtir nghal a ni.
Archhuang khua hi Myanmar ramri dep a awm niin, Lawngtlai DC chuan ramdang atanga Vawk lakluh hi a khap mek a, LADC Sorkar pawhin ran lakluh hi a remti lo bawk.