Nimin khan LADC a Chief Executive member Pu Manghmunga Chinzah chu a pianna khua Fungkah Welfare, Lawngtlai chuan Chawimawina thuziak an hlan.
CEM Office Chamber a he hun an hman na ah hian, Pu Manghmunga Chinzah chuan a Pianna khua Fungkah khaw aiawh a Welfare Hruaitu ten Chawimawina thuziak an hlan chu lawmawm a tih thu sawiin, Lairam a kaihhruaina ah a khua leh tui ten theihtawpa tanpui thin tur leh Pathian hnena tawngtaipui reng turin a chah
Pu Manghmunga Chinzah hi Fungkah Lal, Pu Liankhuaia Chinzah fapa niin, Lai Lal ropui leh hmingthang Pu Dokulha Chinzah tuchhuan kalzel ani a, LADC hnuaiah hian MDC atan tum 7 thlantlin tawh niin, tun tum nen hian CEM hi tum thum a chelhna ani tawh .
Fungkah khaw mipuite aiawha lawmpuina leh chawimawina hunah hian Welfare hruaitute chuan Fungkah khaw kil leh khawte takte,MDC Constituency pawh a hrana nei ve ngailo, khawlian zawkte Constituency a bet ve mai mai atanga an khawpa, Pu Manghmunga Chinzah MDC atana tum 7 zet thlantlin ani leh CEM, Chairman leh EM dinhmunte hial a chelh thei chu lawmawm an tih thu leh an chhuan thu an sawi a, Loh theih loh a Fungkah khua a chhuahsan hnu ah pawh, an khawsak zuina Lawngtlai Council Veng leh Bethel veng mipui ten duhsak taka Term hnih lai an lo thlangtling leh chu lawmawm an tih thu sawiin, Council Veng leh Bethel Veng mipuite hnenah lawmthu an sawi bawk ani.