LADC Sorkar thar chu fuke kimturin a indin chho mek a, nimin khan nikhat awh LADC Session neih niin, Deputy Chairman thlanna neih a ni.
LADC Session, Chairman Pu V,.Zirsanga kaihhruai ah hian Chairman chuan Deputy Chairman atan chuhtu awmlovin Sangau East bial atanga thlantlin MNF Member Pu B.N.Thangpuia chu a tling tih House ah a puang a, hemi hnu hian Chief Executive Member Pu Manghmunga Chinzah chuan Deputy Chairman thar hi a thutna tur ah hruaiin, CEM chuan LADC Sorkar thar ah Deputy Chairman duhawmtak an nei thei chu lawmawm a tihthu sawiin, Pu BN Thangpuia chu thiltha duh, tihtakzet a hnathawk chi ni a a ti a, eptu lam ten rorellaite thiamtak a he hmunruak luahkhattur kianthiam a, chuhtu an awm lo chu thillawmtak a ni a ti a, Pu Manghmunga Chinzah chuan ram rawngbawlna atan Rinawmna leh Dikna chu ngaihpawimawh hmasakber tur a ni a ti.
Lungpher South bialtu MDC, Congress member Pu C.Lalmuanthanga pawn Deputy Chairman thar chu duhsakna hlan a, Deputy Chairman thar Pu BN Thangpuia chuan, LADC rorelna ah chanvo pawimawhtak mai a ko a nghah a ni chu lawmawm a tihrualin, amah finchhuah thin turin Member te a sawm a,hemi hnu hian Session hi tiamchin awmlova tihtawp niin, Deputy Chairman thar hian nimin khan a Office a luah nghal a ni.