Nimin a LADC Session neih ah Lungpher South MDC chuan, Dy Chairman thar lawmpuina a sawipahin, hunremchang la in, ram hruaituten huapzause a duh thu a sawichhuak a, CEM te E.M te hi bialkhat huap an nilova, ramkhat huap an ni tih inhriase a duh thu a sawi a, thilchiangsa mahnise, kha thu khan ngaihtuahzuitur a chhawp tam viauin a hriat awm e.
Ram hruaitute hian bialmal an ngaihtuah lutuk vanga kha thu kha sawi a nih rinawm chiahlova, tuna sorkar thar ah phei chuan khatiang lamhawi kha hriattur a la awm hmanlo hrim hrim tur a ngaih a ni.
Congress MDC in a sawina chhan zawk ni a lang ta chu, bialmal CEM, Bialkhat E.M te nih palh theih a ni a, ram mipui hian an hruaitu atan min ngai em tih mahni inenfiah fova, ram hruaitute hian tihbik neilovin, ram in rualkhai taka hma a sawn theih nan, a fawng vuantute hian tan la se tih a nih hmel a, house a MDC pakhat thusawi saltiah anga ngaih mai chi niin a lang lo a ni.
Engpawhnise, sorkar in ke a pen tan chauh a ni a, mipui lam beiseina pawh sorkar thar ah a sang viau a, duhthusam ang diak diak chu Politics mual ah hlawhtling vek thei a nihloh rualin, tun sorkar ah hian ram mipuiten, anhruaitute hian huapzau se tih hi an duhber a ni ang.