Ram in hma a sawn chho zel a, kawngpui hian chetvelna a tihawlsam vangin, kawngpui paltlang khua te chu, kawngin a paltlangloh khuate aiin hma an sawn chak thin.
Kawngpui hantih hian, bungrua leh chakkhai thiarvelnan a kawngpui sial a awm a, khua leh khua inkalpawhna, mipuite veivahna leh an mamawh an lakna kawngpui a awm bawk a, Sorkar laipui pawhin, khua zawng zawng kawngpui pawhtir tur a hma a lakna ang chi leh bungrua thiar velna tur atana ruahman kawngpui hi ngaihpawlh chi niin lovang.
Lawngtlai khawpui pawh hi National Highway in a paltlang a, he kawng hi khawvel thangzel ah lirthei lian tak tak ten an zawh reng tur a ni a, mipui tan a himloh bak ah, khawpui tihnawktutur a nih dawn vangin By pass road te pawh buaipui a ni.
KMMTTP kawngpui atang hian a chhutduh tan chuan a fiah viau awm e, Lawngtlai atangin ramri bul a awm Zochachhuah bak khua paltlang a neilova, sial a nihtan dawnin, an khua paltlang ve se ti pawh an awm, mahse, he kawngpui hian khua tlawhpawh a tumber a niloh vangin hetiang hian sial a ni ta nih kha.
Lawngtlai District chhungah pawh kawngpui hi sial a ni zel in a rinawm a, kawngpui chu khawvel thangzel ah hnawksak a nithei tih ngaihtuah chungin, mahni khua paltlanglo zawk tur a kan duh hunte pawh a la awm maithei.