PRESS RELEASE
PR.No. 01/2021
LADC MNF SORKARIN LAI DISTRICT (VILLAGE COUNCIL) ACT 2010 A PAWNGSUAL
Lawngtlai, 22nd Febuary: Lai Autonomous District Council a MNF sorkar chuan Sorkar kalphung, Dan leh Dun pawh zah loin rambuai lai ang maiin rorelna an kalpui mek a ni.
Lungpher VC member Pu B. Chanchinmawia chu VC a thlan tlin a nih atangin Village Council thutkhawmah vawi 10 chuang the meuh neih ah, a tel duh ngai loh avangin; Lai Autonomous District (Village Council) Act 2010 Bung 5(2) in a sawi angin VCP in a member nihna a hlih sak a, hei hi LADC Executive chuan 1st June, 2020 khan ngun taka a zirchian hnuin a nemnghet a ni. Pu B. Chanchinmawia seat hi Danin a sawi angin seat ruaka puan nghal a ni.
Chutiang a nih mek lai leh, Bye Election nei mai turah ngaih a nih tawh laiin, Local Administration Department Lehkha No.V.11012/5/2020-LADC/LAD(III) of 17.02.2021 hmangin VC member atanga ban a nihna chu an revoke sak ta a ni. Kan VC Dan hmanlai Lai Autonomous District (Village Council) Act 2010 ah hian Revoke theihna Provision siam pawh ni si loa, hetia an duh dan ang anga VC Dan an pawngsual ta mai leh party hamthatna tura Dan an kuai her hi lungchhiat thlak kan ti a. MNF Party hian Democracy ramah hian Dan a Lal ber fo a ni tih lo hria se, rambuai lai ang a ni tawh lo a ni tih hre nawn se; hetiang anga Dan zah lohna leh pawngsualna hi thleng nawn tawh lo se tih kan phut tlat a, Revoke na lehkha pawh hi cancel nghal turin kan phut bawk a, chutih rual chuan eng Dan hmangin nge Revoke a nih tih pawh mipui hriata puangzar turin kan ngen a ni.
Issued by : Lai District Congress Committee, Hqrs : Lawngtlai