Fire Prevention Week hi kumtin hman a ni thin a, a hlawhtlinna pawh beisei angin chak vut vutlo mahse, kumtinin kangmei chhuak atlem chho zel niin a hriat a, a lawmawm khawp mai.
Nimin a Week hawnna ah CEM chuan, kangmei ven chu chhungkua atanga inzirtir ngun a ngaihthu a sawi a, kha thu kha CEM sawi a nih vang lam aimahin, kangmei ven hi mitin mawhphurhna a nih zia sawifiahna a nih vangin, hriatliam mai atan chuan a uihawm khawp ang.
Kangmei chhuak hi a tlangpuiin, fimkhur tawkloh vang a ni deuh fova. Kangmei laka kan fimkhur na na na chuan, tullova In leh ram zau tak tak kang thin te hi a ziaawm ngei ngei ang.
Inkang a pawi ang tluk bawk hian, ram kang hi a pawi tih kan hriat a huntawh a, eizawnna nen a inzawm tlat, ramngaw vat a hal a ngai thinte hi tihtawp maitheih a nihloh vangin, mamawhbak tihkan hi pawisawina a ni tih kan hriatnawn pawh a tul khawp mai.
Kangmei tihchhuahloh hi duhthusam a ni a, helamhawia inzirtirna pawh uar deuh deuh a tul a, mitin hian kan mawhphurhna a ni tih kan pawm a pawimawh a, chumi atang chuan kangmei ven hapta kan hmanfo te hian thukzawkin rah tha a chhuah ngei ngeiin a rinawm a ni.