Nimin atanga karleh Nilaini thleng awhtur Kangmei ven inzirtirna Hapta Fire Prevention Week chu nimin khan Lawngtlai ah LADC a Chief Executive Member Pu Manghmunga Chinzah hovin hawn ani.
Hawnna inkhawm, DC Conference Hall ah neih hi Lawngtlai DC, Dr.Andrew H.Vanlaldika chuan kaihruaiin, Khuallian, Lai Autonomous District Council a CEM, Pu Manghmunga Chinzah chuan ram in hma a sawnzel a, kangmei tullova kangmei chhuak pawn ziaawmlam a pan chho zel tih sawiin, Kangmei ven kawng ah Lawngtlai District chuan hnuhma chhuanawm tak tak a nei thin a, heng aia tha zawka hmalakzel a ngai a ni a ti a, Kangnmei ven chu midang tihtur ah dahlovin, mahni ngeiin ngaipawimawh ila, chhungkua ah bul tan ila, chu chuan nasatakin awmzia a nei dawn a ni a ti.
Lawngtlai District a Fire Prevention Week hmanchhung hian, Thingtlang khua leh Zirna In ah te zirtirna a tamthei ang ber neih tur a ruahman niin, Kangmei vengtha khua thlan a ni bawk dawn a ni.
Report a tarlan a nihdan in Kum 2000 atangin, Lawngtlai ah Fire Prevention Week hmantan a ni a, Kum 2010 leh 2015 ah te Mizoram ah Kangmei vengtha lawmman pakhatna Lawngtlai District chuan la in, Kum 2019 ah Pahnihna lawmman a dawng a, kum 2014 khan Lawmman Pathumna a lo dawng tawh bawk a ni.