Lawngtlai khawpui chhung National Highway tichep zawng a bungrua leh thildang dah bak ah, ran chhuak an awm leh awmloh te Feb 5, Zirtawpni khan endik a ni.
Lawngtlai District Magistrate Dr.Andrew H.Vanlaldika chuan kawngpui tichep leh tihnawk zawng a bungrua leh thildang dah khapna leh Ui chhuah khapna thupek a lo chhuah chu, a khattawkin, Sub Deputy Commissioner Pu K.Lalhlimpuia hovin endik thin a ni a, Zirtawpni pawh Lawngtlai khawpui chhung, College Veng atanga AOC thleng National Highway 54 chu enfiah niin, dan bawhchhia engemawzat man niin, a hmun ah pawisa chawitir nghal niin, pawisa chawizat tlingkhawm hi Rs 3100/- a ni.
Khawpui chhung enfiahna ah hian motor chhia kawngsir a dah te, Insakna bungrua, midang tana hnawk a dahte leh ui chhuak te man niin, District Magistrate bawhzui tur hian a khattawkin khawpui chhungin enfiah chhunzawm zel tum a ni a, Sub Deputy Magistrate hovin, Police, Traffic Police, MVI, VC Association, Central YLA leh MJA aiawh bak ah LADC aiawh ten enfiahhna hi an thawk a ni.