Myanmar ram chu Sipai thuneihna hnuai ah a awm leh ta a, kumkhat chhung atan tih ni a sawi a nihlaiin, a reizawng hi sawilawk hleihtheih a nihlohna lai a awmthei awm e.
Hmankum ah Myanmar ram Sipai rorelna hnuaia a awm tumin, he ram mi thahnemtak ten an ram chhuahsanin ramdang ah an tlanlut a, an zing a engemawzat chu Mizoram pawn a lo mikhual a nih kha.
Hun a kal deuh a, mikhual nih thiamlo te vangin, mitha tamtak pawn harsatna an tawhzui phah a, hetia Myanmar ram Sipai rorelna hnuaia a tlukluh leh tak ah hian, hun kaltawh a, he rammi engemawzat ten an ram an chhuahsan ang kha a thlengnawn mai ang tih a hlauhthawnawm rualin, a bikin khi ram a kan hnampuite khi keini chuan kan ngaihtuah an ngaiin, tanpuingaia an awm pawn Laifate hi an tlanchhe dawnlo tih an hriat a pawimawh khawp mai.
Dam leh tlangkhat ah, thih leh ruamkhatah ti thin hnam ah hian, kan unauten harsatna an tawk a nih chuan, anmahni tanpuiturin he ram hi a inpeih a ngai a, tun dinhmun ah, an hun lo tawntawh vangin Sipai rorelna hnuaiah mipui ten thlamuangtaka awm har an ti a, hetiang hun ah pawh hian, awmzenei a tawng thlamuan theite chuan aw an chhuah te pawh a hun in a hriat a, kan unaute lam khi nidang aia nasa a kan hawi a tulin a hriat a ni.